Press-reliz ·
Semurg Ventures sug‘urta kompaniyalari uchun EIOS — Enterprise Insurance Operating System platformasini taqdim etdi
Toshkent, 6-noyabr, 2026-yil — Semurg Ventures sug‘urta kompaniyalari uchun EIOS (Enterprise Insurance Operating System) platformasini taqdim etdi. EIOS sug‘urta kompaniyasining butun ishini — polis sotuvidan zarar to‘lovigacha, buxgalteriyadan regulyator hisobotigacha — bitta tizimda birlashtiradi.
Platforma yadrosi — sug‘urta ERP: polislar, zararlar, moliya, qayta sug‘urta va komplayens 16 modulda. Uning atrofida ekotizim qurilgan: kompaniyaning ichki hayoti uchun PM platformasi (loyihalar, CRM, call-markaz, hujjatlar va elektron imzo, davomat), mijozlar uchun mobil ilova (MyID orqali kirish, onlayn polis, video-ko‘rik, zarar arizasi) va xodimlar uchun PM.co.uz ilovasi.
EIOS AI kompaniyani 24/7 kuzatadi: savdo, to‘lovlar, integratsiyalar, serverlar va xavfsizlikdagi og‘ishni o‘zi topadi, sababini tushuntiradi va mas’ul xodimga xabar beradi. Savolga ovoz bilan, bazadagi aniq raqam bilan javob beradi — o‘zbek, rus va ingliz tilida. Ovoz texnologiyasi EIOS Voice raqam va sanalarni xatosiz o‘qiydi: ko‘r sinovda harf xatosi darajasi 2,3 %.
EIOS’da 24 ta tayyor integratsiya bor: NAPP, my.gov.uz, MyID, E-IMZO, 1C, Didox, Payme, Click, Uzum, hamkor banklar, SOS24 assistans xizmati va Genova agentlar platformasi. Ma’lumot bir marta kiritiladi va kerakli tizimlarga o‘zi yetib boradi.
EIOS korporativ shartnoma asosida joriy etiladi. Demo so‘rash uchun: eios.uz yoki Telegram’da @eiosinsurance_bot.
